Ek is ‘n mamma van ‘n pragtige dogtertjie en het ‘n groot passie vir kinders en opvoeding. Stimulasie is vir my lewensbelangrik, veral tussen die ouderdom van 3 maande tot 3 jaar. Dit bevorder breinontwikkeling, vorm emosionele sekuriteit, verbeter taalverwerwing en fisiese groei. As onderwyseres het ek daagliks beleef hoe belangrik stimulasie en betrokkenheid is. 

As mamma, pappa, oupa en ouma lê ons grootste nalatenskap in ons kinders. Pienkvoet Pret Midstream bied my die geleentheid om ouers en grootouers te help om van kleintyd af die regte stimulasie aktiwiteite te doen en deel te wees van elke kleinding se ontwikkeling sodat hulle kan groei tot die beste van hulle eie unieke vermoë. 

“Community” is vir my belangrik. En dis my hart om by Pienkvoet Pret Midstream ‘n opbouende ‘community’ te vorm waar mammas met hulle kinders van soortgelyke ouderdomme sommer al van vroeg af verhouding kan bou en op mekaar kan steun. Hier lag ons saam, deel ons raad en bied soms net ‘n drukkie op die moeiliker dae of seisoene.