Pienkvoet-Pret Hermanus

Ontmoet Jani, die Pienkvoet-Pret tannie in Hermanus

My Pienkvoet-Pret “journey” het in 2019 begin in Stellenbosch met die koop van ʼn bestaande tak. Nadat ons Hermanus toe verhuis het, open ek in Augustus 2021 ʼn splinternuwe tak in Hermanus.

Pienkvoet-Pret is vir my ʼn samekoms van mammas en babas/peuters wat terselfdertyd fokus op die kinders se ontwikkeling, asook ʼn veilige spasie skep vir mammas (ouers) om die avontuur van ouerskap te deel en mekaar te bemoedig. As die Pienkvoet-Pret “tannie” wil ek graag die fasiliteerder wees van mammas wat bymekaar kom, mekaar ondersteun en hegte vriendskappe ontwikkel. Ek is ook die entoesiastiese aanmoediger en is saam met elke kindjie verwonderd oor wat hulle alles leer en kan bemeester. Dit is die rede hoekom ek Pienkvoet-Pret doen, die bou van ʼn ‘village’,  die wonder van kindwees, en die deel van die ouerskap avontuur met ander ouers in ʼn veilige en prettige leer omgewing.

“FUN FACTS”

  • Om ander te inspireer en te bemagtig is my passie.
  • Ek is MAL oor lekker koffie…en het verseker ʼn koppie koffie nodig eerste ding in die oggend.
  • Ek word gefassineer deur die spel van lig in die natuur, en ʼn mooi landskap maak dat ek wil jubel en jeug oor ons God- die wonderlikste kunstenaar ooit.
  • Ek is ʼn totale boekwurm, en lees is een van my grootste vreugdes.
  • My agtergrond is in die veld van Bedryfsielkunde, en my grootste area van belangstelling is die ontwikkeling van Emosionele Intelligensie.

“Elke mamma moet Pienkvoet-Pret oorweeg want dit is ʼn belegging in jou baba/peuter se ontwikkeling, asook n wonderlike platform om ʼn ondersteuningsnetwerk van ander mammas te ontmoet en saam die avontuur van kindwees en mammas wees te vier. “

Wat ander mammas sê

Lisa and Noah

Hermanus Pienkvoet-Pret was everything I hoped it would be and more! Jani is incredible with the children- she understands each of their personalities and is able to engage and interact with every child in the class through incredibly creative, fun and educational activities. It helped me to learn more developmentally specific tasks to do at home with my child, gave me special time with him and allowed me to meet other moms in a warm and beautiful environment. The drive out to the Hemel-en-Aarde ( where the classes are held) is exquisite and part of the enjoyment of PVP Hermanus. I cannot recommend it enough! It was the highlight of our week!

Winette en Ellevie

Hermanus Pienkvoet-Pret het ons lewens in soveel opsigte verryk en Ellevie is dol oor Juf Jani. Die kennis wat Jani met ons mammas deel, help ons om ons babas se ontwikkelingsfases beter te verstaan en haal die onsekerheid en twyfel daaruit.

Nelia en Mila

Ek en my dogtertjie het Pienkvoet-Pret vreeslik baie geniet. As ‘n nuwe mamma het dit vir my die sekerheid gegee dat ek ouderdom gepaste aktiwiteite doen met my dogtertjie. Ek was opgewonde om te sien hoe sy ontwikkel van week tot week. Sy het dit self baie geniet en was opgewonde elke week om te gaan. Dit was ‘n spesiale tyd vir ons om ons verhouding te bou. Ek het ook deur dit vriende gemaak met ander mammas en ons het mekaar ondersteun deur die grootmaak van ons kinders. Jani is ‘n lieflike fasiliteerder. Die kinders is almal gaande oor haar. Sy was elke week baie goed voorbereid en die klasse was goed gestruktureerd. Ons kon lekker leer en lekker kuier. Ek sal enige dag Hermanus Pienkvoet-Pret aanraai vir ouers en babas. Dit is ‘n goeie belegging in jou kind se ontwikkeling.

Kontak my om jou eerste GRATIS les te bespreek!

3 + 5 =

“Leave a little sparkle wherever you go”