Ek is ’n mamma van twee pragtige dogtertjies, Fleur en Elke, en ek is getroud met Marco – my steunpilaar, die liefde van my lewe en die priester van ons huis.

Ek sou baie graag saam met albei my dogtertjies Pienkvoet-Pret wou bywoon, maar weens my werksomstandighede moes ek weer terugkeer werk toe.

As mamma én onderwyseres het ek ’n groot passie vir kinders en opvoeding. In die onderwys het ek daagliks beleef hoe belangrik stimulasie en betrokkenheid in ’n kind se vroeë ontwikkelingsjare is. Dit het my belangstelling in Pienkvoet-Pret net verder versterk.

Pienkvoet-Pret bied vir my die geleentheid om saam met mammas die boublokke van vroeë ontwikkeling te help lê – ’n plek waar ’n mamma haar “village” kan vind – terwyl ek terselfdertyd daar kan wees vir my eie gesin. Dit is ’n voorreg wat ek opreg waardeer.