Kersfees

Oktober, November en Desember maand kan die Kersfeesliedjies op jou liedjielys as gim-, aksie-of instrumenteliedjies gebruik word.
Die kersverhaal kan tydens storietyd vir 22-36maande voorgelees word.
Jou klas kan versier word volgens die Kersfeestema, maar ALLES bo vat-hoogte!
Jou ma’s kan die heel laaste week of tydens die Kersfees partytjie servette/tydskrifte/klein R50 geskenkies toedraai en onder mekaar uitruil.
Kinders en ma’s kan volgens die kerstema aantrek met hoede/kerstinsel.
Vervang in hierdie tyd aktiwiteite in jou les met een van die idees in hierdie dokument wat by die Kerstema pas. Jou hele les hoef nie die Kerstema te wees nie.

Kerspartytjie

Aan die einde van die jaar (verkieslik al in November) hou jy ‘n groot Kerspartytjie vir al die ma’s. Hierdie dien ook as jul afsluiting vir die jaar.
Dit kan ook op ‘n Saterdag plaasvind sodat die pa’s kan saamkom.
Indien dit baie ma’s en kinders is, hou dit eerder by ‘n partytjie venue/parkie waar daar genoeg spasie vir almal is.
As dit by ‘n venue is waar daar ‘n restaurant is kan hul vir hulself bestel en betaal. ‘n Piekniek waar elk sy eie mandjie voorsien is ook lekker.
By die Kerspartytjie hoef jy geen Pienkvoet-Pret aktiwiteite te doen nie. As dit by jou huis gehou word kan jy die gewone sensoriese stasies en water aktiwiteite uitpak, maar die idee is eerder om net om te ontspan en saam met jou ma’s te kuier.
Nooi gerus uitstallers vir die dag, vra hul ‘n fooi en gebruik dit om jou venue huur of ekstras soos ‘n springkasteel of fotograaf te betaal.
Lekker Kersfeesmusiek skep altyd ‘n heerlike atmosfeer.
Gee vroegtydig die datum deur. Gebruik die uitnodiging op Dropbox.
Alle onkostes word deur die ouers betaal, behalwe as die partytjie ‘n klas vervang.
Iemand kan ‘n Kersvaderpak aantrek en die geskenk-of-lekkergoedpakkies uitdeel. (LET WEL dat party babas nogal bang is vir Kersvader)
Moet asb nie dat ouers nog ekstra geskenke aankoop vir kinders nie. Elk kan ‘n pakkie eetgoed kry of ma’s kan ‘n piekniekmandjie pak.
‘n Fotograaf kan gereël word om foto’s te neem op die dag.
Elke kind wat aan die einde van die jaar weggaan, ontvang ‘n “maatjie-sertifikaat”. (Onder sertifikate op Dropbox)
Dit is nie nodig of verpligtend om ‘n gradeplegtigheid te hou vir maatjies wat kleuterskool toe gaan nie.

Kersfeesgeskenk: Pienkvoet-Pret Playlist

VERPLIGTEND: Elke jaar gee ons tydens die Kerspartytjie vir elke kind as ‘n geskenk ‘n playlist met die musiek wat jy deur die jaar by die klas gebruik het. Gewoonlik was dit ‘n Cd maar nie almal gebruik meer Cd’s nie.
CDs: Jy kan ‘n Cd met al die musiek op vir die ma’s gee. (Vind ontwerp onder ontwerpe). Ma’s moet dit dan self gaan oorsit op ‘n “memory stick”of aflaai op ‘n rekenaar. Hierdie Cd mag nie verkoop word nie, hul kry dit as geskenk.Kontak gerus vir Ronelle ronelle@videoafrica.co.za ( 011 789 6502) , Chevaughn by chevaughn@spdesign.co.za (011-3393064) of Pieter pvdbergh@live.co.za (0824509452) wat hiermee kan help. Jy stuur jou playlist via Dropbox en Cd’s word dan gesny en gecopy. Hul druk jou logo bo op die Cd, of gebruik die 2024 plakker hier.
Die ideaal sal wees om eerder jou musiek op ‘n “memory stick”/USB vir elke ma te gee, maar dit werk duur uit .Laat weet asb as jy weet van ‘n verskaffer wat dit vir ons grootmaat vir ‘n goeie prys kan gee.
WAT AANBEVEEL WORD:
Ek het ‘n generiese playlist gemaak met ‘n klomp oulike liedjies. Jy gee dan vir elke ma net hierdie QR code, mooi gedruk op karton en dan dien dit as hul geskenk en hul musiek vir die jaar. (Sien onder Playlist kaartjie met QR code.)